Næstkomandi laugardag þann 9. október kl. 14 verður opnuð sýningin Trékarlar í anddyri Náttúrufræðistofunnar.
Trékarlar eru útskornir tréstaurar sem öðlast hafa framhaldslíf með ástríðu og hugkvæmni Guðmundar Sigurðssonar, hagleikssmiðs og Kópavogsbúa. Hafsteinn Karlsson, formaður Lista- og menningarráðs Kópavogs, flytur ávarp við opnunina. Allir eru velkomnir og aðgangur er ókeypis.
Guðmundur Sigurðsson er fæddur 25.04. 1925 og byrjaði seint að eiga við listagyðjuna. Engu að síður má nú finna úti undir beru lofti um 30 trékarla eftir Guðmund víðs vegar um höfuðborgarsvæðið.
Margir trékarlanna hafa nú safnast saman í Náttúrufræðistofuna. Nokkra trékarla má einnig finna í anddyri Sundlaugar Kópavogs. Sýningin stendur til 15. desember 2010. Sýningastjórar eru Ólöf Dómhildur Jóhannsdóttir, barnabarnabarn Guðmundar, og Hilmar J. Malmquist forstöðumaður Náttúrufræðistofunnar.
06
nóv
Gerðarsafn
10:00
