Trúðastelpurnar Silly Suzy og Momo eru bestu vinkonur. Þær hafa búið á Íslandi í nokkur ár og finnst ótrúlega skemmtilegt að leika við krakka á öllum aldri, sýna þeim trúðalistir, byggja með þeim hús, fara í jóga og kasta boltum. Og svo finnst þeim gaman að læra ný orð og velta tungumálum fyrir sér. Getum við talað saman þótt við kunnum ekki tungumál hvers annars. Til dæmis með því að brosa og faðmast, dansa og hringsnúast?
Sýningin er um hálftíma löng og fer fram í fræðslurými Gerðarsafns á fyrstu hæð. Að sýningunni lokinni ætla þær Silly Suzie og Momo að staldra við á Barnamenningarhátíð í Kópavogi, flakka svolítið um hátíðarsvæðið, skoða sýningar, spreyta sig á smiðjufjöri og spjalla við krakka.
