Á milli 17:00 og 17:50, laugardaginn 5. júlí, mun leikhópurinn Hlæja og gráta efna til hóphugleiðslu í Gerðarsafni sem gírar fólk upp fyrir helgina. Lesnar verða upp möntrur sem geta hjálpað fólki að fá aukið sjálfstraust, vera betri vinur vina sinna, ná betri árangri í ástarlífinu og komast í gott hugarfar fyrir laugardagskvöldið.
Hvort sem þú ert á leiðinni á stefnumót, brúðkaup, lopapeysu, afmæli eða djammið þá mun þessi hugleiðsla vera lykillinn að ánægjuríkri helgi.
Manifestaðu besta kvöld lífs þíns.
Viðburðurinn er hluti af verkefni leikhópsins Hlæja og gráta í skapandi sumarstörfum í Kópavogi. Leikhópurinn hefur sett upp tvær leiksýningar í Kópavogsbæ en í ár vinna þau að hugleiðslum í formi útvarpsþátta sem kallast Ímyndaðu þér. Með verkefninu vill hópurinn kanna mörk hugleiðslunnar og á að hver hugleiðsla að vera einstök upplifun með óhefðbundna áherslu. Hugleiðsla getur verið hjálplegt tól til að beisla streymi óstýrilátra hugsana. Aftur á móti getur hugmyndin um að setjast niður og gera ekkert nema hugleiða hljómað alveg drepleiðinlega. Með verkefninu hyggst leikhópurinn gera hugleiðslu spennandi fyrir meðalmanninn. Ef þér leiðist hugleiðsla verða þættirnir í það minnsta skemmtilegir. Hægt er að nálgast þættina á vefsíðu leikhópsins, https://hlaejaoggrata.com/.
