Safnanótt í Kópavogi fer fram föstudagskvöldið 6. Febrúar 2026.
Kópavogsbær tekur þátt í Safnanótt en hún fer fram víðsvegar um höfuðborgarsvæið að venju. Unnið er með þemað Eftir myrkur í viðburðum menningarhúsanna.
Það verður eitthvað fyrir alla aldurshópa, en dagskráin hefst kl. 18 og mun standa fram eftir kvöldi.
Kópavogskirkja böðuð ljóslistaverki.
Myndlistarmaðurinn Hekla Dögg Jónsdóttir á heiðurinn að verkinu sem varpað verður á Kópavogskikju þetta árið en það er ávalt mikið tilhlökkunarefni að sjá kirkjuna fagurlega upplýsta í myrkrinu.
Um verkið: Form kirkjunnar kallast á við nátturuleg form hafíss sem brotnar þegar er ísbrjótur siglir hægfara í gegn um ísbreiðunna við það umbreytast formin og eru á stöðugri hreyfingu og skarast á við form kirkjunnar.
Verkinu verður varpað upp kl. 18 og stendur fram eftr kvöldi, fyrir þau sem ekki komast að sjá dýrðina þá verður verkinu aftur varpað upp á laugardagskvöldinu 7. febrúar á sama tíma.
Menningarhúsin með pakkaða dagskrá.
Dagskráin í menningarhúsunum fer af stað með fjölskylduvænum viðburðum og ættu allir fjölskyldumeðlimir að finna eitthvað við sitt hæfi.
Skynjunarsögustund fyrir þau allra yngstu, danspartý undir blacklight, popp, plötusnúðar þeyta skífum, skúlptúrsmiðja, leiðsagnir um bæði í Náttúrusafninu og í Gerðarsafni, vísindaföndur svo fátt eitt sé nefnt.
Þegar líða tekur á kvöldið mun hin ofuhressa sveit Inspector Spacetime trylla líðinn í Salnum, sýningarstjórar Harðar, nýopnuð sýning Gerðarsafns á verkum eftir Hörð Ágústsson, munu leiða gesti í gegnum sýninguna og eftir það tekur við tónlistarupplifun frá fyrrum bæjarlistamanninum Kristófer Rodriguez og Daníel Helgasyni í sýningarrýminu. Kynlíf fiska verður til umræðu í Náttúrusafninu og við köfum í myrkrið með þekktum rithöfundum sem segja frá þeim bókum sem hafa skelft þau.
Það er frítt inn á alla viðburði og öll velkomin, Krónikan verður opin og hægt er að kaupa veitingar á góðu verði frameftir kvöldi.
Við vonumst til þess að sjá sem flesta í blíðviðrinu í Kópavoginum eftir myrkur.
Smelltu hér til þess að sjá einstaka viðburði.
Hér má sjá dagskrána í heild sinni:
| Bókasafn Kópavogs | |
| Kl. 18:00-18:30 | Skynjunarsögustund fyrir yngstu börnin |
| Kl. 19:00-20:00 | Orðið laust / Open hljóðnemi fyrir ljóðskáld |
| Kl. 18:00-20:00 | Lýstu í myrkri! / blacklight partý fyrir krakka / poppstöð |
| Kl. 21:00-23:00 | 90s blacklight partý fyrir unglinga / poppstöð / Sunna Ben DJ frá 22-23 |
| Kl. 22:00-23:00 | Leslyndi eftir myrkur / Auður Jónsdóttir, Alexander Dan Vilhjálmsson ofl. |
| Kl. 18:00-22:00 | Stimpilstöð |
| Náttúrusafn Kópavogs | |
| Kl. 18:00-18:30 | Krakka-leiðsögn um Náttúrusafnið – Skoðum skeljarnar |
| Kl. 18:00-20:00 | Vísindaföndur með Jóu |
| Kl. 19:00-19:30 | Krakka-leiðsögn um Náttúrusafnið – Kynnumst kröftum náttúrunnar |
| Kl. 20:00-20:30 | Kynlíf fiska -fræðilegur skemmtifyrirlestur |
| Kl. 18:00-23:00 | Stimpilstöð |
| Gerðarsafn | |
| Kl. 18:00-20:00 | Fjölskyldusmiðja með Erni Alexander – Skúlptúrar Gerðar Helgadóttur |
| Kl. 18:30-19:00 | Krakkaleiðsögn um sýninguna Hörð – Agnes Ársælsdóttir |
| KL. 20:00-21:00 | Leiðsögn sýningarstjóra um sýninguna Hörður |
| Kl. 21:00-21:45 | Hljóðvefnaður við Hörð / Kristó og Daníel |
| Kl. 18:00-23:00 | Stimpilstöð |
| Salurinn (forsalur) | |
| Kl. 18:30-19:00 | Fjölskyldu-söngleikjastælar með Bjarna Snæbjörns og Kalla Olgeirs |
| Kl. 19:00-21:00 | DJ Egill Spegill |
| Kl. 21:00-21:45 | Inspector Spacetime |
| Kl. 18:00-22:00 | Stimpilstöð |
| Kópavogskirkja | |
| Kl. 18:00-00:00 | Umbrot 2026 – Ljóslistaverk Heklu Daggar Jónsdóttur á Kópavogskirkju |
