Á Safnanótt í Kópavogi getur þú fræðst um leyndardómana í æxlun fiska!
Æxlun fiska er margfalt flóknari og skemmtilegri en margir gera sér grein fyrir. Þar mætast náttúruvísindi, hegðun og ótrúleg aðlögun í umhverfi þar sem allt snýst um að lifa af og fjölga sér. Á Safnanótt í Kópavogi flytur Lísa Anne Libungan, sjávarlíffræðingur og formaður Hins íslenska náttúrufræðifélags, lifandi og fræðandi fyrirlestur um æxlun fiska í sjó og ferskvatni.
Í fyrirlestrinum verður meðal annars fjallað um:
– Mökunaratferli þar sem samkeppni og samskipti spila lykilhlutverk
– Æxlunarfjölbreytni sem er ólík öllu sem margir þekkja
– Af hverju það borgar það sig fyrir suma laxa að vera perrar?
Fyrirlesturinn verður á léttum nótum, án þess þó að fórna fræðilegum gæðum. Hann er ætlaður fullorðnum áhorfendum og hentar öllum sem hafa áhuga á náttúru, líffræði og lífinu undir yfirborði hafs og vatns. Komdu og fáðu nýja sýn á fiskalíf. Þetta verður fróðlegt og pínu kryddað!
Erindið verður flutt á sviðinu á 2. hæð.
Aðgangur er ókeypis.
Öll velkomin.
