Bókasafn Kópavogs og Molinn miðstöð ungs fólks í Kópavogi bjóða upp á sýningu á stuttmyndinni Geltu!
Molinn býður ykkur velkomin í 0% freyðivín og makkarónur fyrir sýninguna, í húsnæði Molans (Hábraut 2). Fyrir sýningu verður rölt saman yfir götuna á bókasafnið, þar sem myndin verður sýnd.
Eftir sýninguna verður boðið upp á pallborðsumræður með leikstýrum myndarinnar, þeim Sigríði Lárettu og Sol Berruezo Pichon-Riviére.
Frítt er inn og öll hjartanlega velkomin meðan húsrúm leyfir.
Stuttmyndin Geltu! fjallar um unglingsstúlkuna Blævi, vini hennar og bekkjarfélaga þeirra Hörð. Blær er lífleg, sérvitur og skemmtileg stelpa sem hefur þurft að þola hatursfullar athugasemdir og viðmót síðan hún kom út sem trans. Myndin fjallar um þann toll sem það tekur og hvaðan ofbeldið sprettur. Myndin fjallar líka um líka um vináttu og kærleika og kraftinn sem myndast þegar við stöndum saman.
Dagskrá viðburðar
16:30 – Fordrykkur í húsnæði Molans
17:30 – Sýning á stuttmyndinni Geltu! á Bókasafni Kópavogs. Eftir sýningu verða pallborðsumræður.
