Einar Skúlason leiðir göngu umhverfis Vatnsendahlíð
Vegalengd um 5 km og uppsöfnuð hækkun rúmir 100 m. Gangan tekur um einn og hálfan til tvo tíma með stoppum.
Upphafsstaður og bílastæði eru við Guðmundarlund.
Gengið verður um Guðmundarlund og upp á Vatnsendahlíð og meðfram henni. Við sjáum ummerki um sinubruna, fyrrum bústaðabyggð á Vatnsendablettum og Elliðavatnið. Sérstök áhersla verður lögð á að minnast á klassískar vísur og ljóð sem tengjast tilteknum fuglum sem gætu orðið á leið okkar. Gæti það verið um lóu, spóa, hrafn eða aðra. Gestum í göngunni er velkomið að fara með slíkar vísur í göngunni. Við göngum á malarvegum, malbikuðum stígum og misjafnlega góðum slóðum.
Gangan er ókeypis og öll velkomin sem treysta sér.
