Listamennirnir Eirún Sigurðardóttir og Unnar Örn Auðarson, ásamt sýningarstjórunum Brynju Sveinsdóttur og Klöru Þórhallsdóttur, leiða gesti um sýninguna Skýjaborg. Enginn aðgangseyrir en skráning nauðsynleg.
Skýjaborg er sýning á verkum fjögurra samtímalistamanna sem sprettur úr sameiginlegum grunni: Kópavogi. Sýningin vitnar um háleitar áætlanir á stórum og smáum skala; um einstaklinga sem byggja sér heimili úr niðurníddum kofa, ung pör sem reisa fjölbýli, og samtök íbúa sem láta til sín taka í málefnum síns bæjarfélags. Hvernig sumar hugmyndir eru of stórar til að hægt sé að framkvæma þær og verða alltaf skýjaborgir.
Listamenn:
Berglind Jóna Hlynsdóttir | Bjarki Bragason | Eirún Sigurðarsdóttir | Unnar Örn Auðarson
Sýningarstjórar:
Brynja Sveinsdóttir & Klara Þórhallsdóttir
Menning á miðvikudögum er í boði Lista- og menningarráðs Kópavogsbæjar.
