MEKÓtímaritið 2022-2023

Menningartímarit Kópavogsbæjar er nú gefið út þriðja árið í röð.

Tímaritið er hvort tveggja hugsað sem kynningarvettvangur en ekki síður gefst hér færi á að kafa aðeins ofan í það sem verið er að gera í menningarmálum í bænum.
Í tímaritinu má til dæmis finna mjög skemmtileg og efnismikil viðtöl við listamenn sem tengjast menningarstarfi í Kópavogsbæ með einum eða öðrum hætti, má þar nefna viðtal við Brynju Hjálmsdóttur handhafa Ljóðstafs Jóns úr Vör 2022 og Þór Vigfússon handhafa Gerðarverðlauna 2021.

Á meðal annars efnis í tímaritinu er umfjöllun um nýjar og metnaðarfullar tónleikaseríur í Salnum sem eru Syngjandi í Salnum og Ár íslenska einsöngslagsins, umfjöllun um Grakkana, unglingaráð Gerðarsafns, viðtal við Jóhönnu Ásgeirsdóttur listrænan stjórnanda Listar án landamæra en hluti hátíðarinnar verður haldinn í menningarhúsunum.