Komdu, leystu þrautir og uppgötvaðu töfra talnanna á spennandi sýningu sem ber heitið Talnatöfrar. Sýningin er tilvalin afþreying fyrir fjölskyldur í vetrarfríi.
Á sýningunni er stærðfræði og tölum gert hátt undir höfði á skemmtilegan hátt þar sem allt snýst um að leika og prófa og fá á sama tíma innsýn í það hvernig stærðfræði kemur inn í alls kyns hluti í okkar hversdagslega lífi.
Sýningin kemur frá Þýskalandi og er sérstaklega hönnuð fyrir verslunarmiðstöðvar. Undir slagorðinu „Science on Tour“ fer sýningin á milli landa í þeim tilgangi að sem flestir fái tækifæri til að prófa og kynnast heillandi fyrirbærum úr heimi vísindanna. Þetta er sýning sem er fræðandi á sama tíma og hún er skemmtileg afþreying fyrir fólk á öllum aldri.
Sýningin stendur yfir dagana 14. til 28. febrúar. Hún er staðsett á fjórum stöðum á 1. hæð göngugötu Smáralindar þ.e. við H&M, Lyfju, Nespresso og Pennann Eymundsson.
Komið og prófið.
