Haldið verður upp á 30 ára afmæli Barnasáttmála Sameinuðu þjóðanna í Kópavogi miðvikudaginn 20. nóvember. Að því tilefni verður boðið upp á bænafánasmiðju á Gerðarsafni fyrir grunnskólabörn í Kópavogi. Smiðjan er samhliða sýningunni Krakkaveldi, þar sem unnið er með óskir barna til stjórnvalda og framtíðarinnar. Notast verður við endurunnin efni og málningu og stuðst við form tíbetskra bænafána. Hátíðardagskrá verður í öllum Menningarhúsunum og má nálgast dagskránna í heild sinni hér.
Smiðjan er ókeypis og opin öllum!
Hallveig Kristín Eiríksdóttir er sviðs- og leikmyndahönnuður sem starfar ýmist við sviðsmyndagerð, eða sem höfundur og flytjandi á sviði með listahópnum CGFC. Hún starfar einnig sem myndlistarmaður og leggur stund á hefðbundna olíumálun í verkum sínum. Hún útskrifaðist af Sviðshöfundabraut Listaháskóla Íslands vorið 2018 og með diplómugráðu í leikmyndahönnun frá Madrid árið 2014.
26
nóv
17
des
Menning í Kópavogi
