Barnamenningarhátíð fer fram með pompi og prakt dagana 6.-12. maí. Kíktu á dagskrána í heild sinni og ekki láta þig vanta.
Þriðjudagur 6.5.2025
Lindasafn
🌟 16 – 18
Pappírsblómasmiðja fyrir börn og fjölskyldur
Föstudagur 9.5.2025
Salurinn
🌟 9 – 12
Leikur að orðum Lögin hans Braga Valdimars
Um 200 leikskólabörn af átta leikskólum í Kópavogi ásamt hljómsveit nemenda frá Tónlistarskólanum í Kópavogi.
Laugardagur 10.5.2025
Bókasafn & Náttúrufræðistofa
🌟13 – 15
Tröllasmiðja
Komdu og búðu til þitt eigið tröll í tröllasmiðju á barnamenningarhátíð á Bókasafni Kópavogs.
🌟15 – 15:30
Töfraloftbelgurinn.
Þátttökusýning fyrir börn á leikskólaaldri. Kötturinn Prófessor og gamla konan Málfríður ferðast um á töfraloftbelg og lenda í allskyns skrítnum ævintýrum. Listahópurinn Kvistur
Sunnudagur 11.5.2025
Bókasafn og Náttúrufræðistofa
🌟12 – 12:20
Sögustund | Börn lesa fyrir börn
Börn úr Lindaskóla bjóða upp á sögustund fyrir börn á leikskólaaldri. Sögustundin fer fram í barnadeildinni.
🌟13 – 13:40
Sungið fyrir dýrin
Fjölskyldutónleikar með Ragnheiði Gröndal, Guðmundi Péturssyni og Birgi Steini Theódórssyni.
🌟 14 – 16
Lífveruleit og listasmiðja
Innanhúsfjöruferð í Tilraunastofunni þar börn leita og fræðast um þær lífverur sem þau finna. Listasmiðja innblásin af lífinu neðansjávar í rými Náttúrufræðistofu.
🌟 16 – 16:30
Rauðhetta með Silly Suzy og Söllu Möllu
Sígilt ævintýri í trúðslegum og bráðskemmtilegum búningi þar sem áhorfendur fá að leika lykilhlutverk.
Gerðarsafn
🌟 12 – 14
Dúskar, fjaðrir, slaufur og strá!
Sköpum fallegar kórónur saman í skemmtilegri smiðju með Sigrúnu Úu. Smiðjan hentar öllum aldri og öll eru velkomin! Efniviður á staðnum.
🌟 14 – 17
Dj. Sunna Ben þeytir skífum fyrir krakka á öllum aldri.
🌟 15 – 17
Heimur fyrir litla hetju
Hvert barn fær lítinn pappakassa og býr til lítið hús, eða felustað fyrir ímyndaða útgáfu af sjálfu sér — hvort sem það er ofurhetja, riddari, dýr eða eitthvað allt annað! Dýrfinna Benita Basalan og Sadie Cook leiða smiðjuna.
Salurinn
🌟 14 – 15
Aldrei látum fjörið falla
Kórar úr Kársnesskóla flytja tónlist úr öllum áttum undir stjórn Álfheiðar Björgvinsdóttur og Þóru Marteinsdóttur.
🌟15 – 15:25
Marimbusveit Smáraskóla leikur fjöruga og taktvissa slagverksmúsík undir stjórn Ástu Magnúsdóttur.
🌟15:30 – 16:10
Glimmersturta og afmælislög
Kórar Hörðuvallaskóla, Kársnesskóla og Smáraskóla flytja hátíðartónlist og músík sem hefur verið samin sérstaklega fyrir kórana. Stjórnendur eru Álfheiður Björgvinsdóttir, Ása Valgerður Sigurðardóttir og Ásta Magnúsdóttir. Kynnir er Ingibjörg Fríða Helgadóttir.
🌟 16:40 – 17:10
Sveitageit og sumarsöngvar
Skólakór Hörðuvalllaskóla undir stjórn Ásu Valgerðar Sigurðardóttur.
Útisvæði
🌟12:30 – 16:30
Viltu vera memmm?
Stultur, sápukúlur, vesen og vatnssull með Memmm Play
🌟16:15 – 16:35
Sumarsveifla og stuð
Skólahljómsveit Kópavogs undir stjórn Össurar Geirssonar
Sýningar daga 6.-11. maí
Bókasafn Kópavogs – aðalsafn
🌟 Álfarnir í Borgarholtinu
Samstarf Bókasafns Kópavogs og leikskólanna Marbakki og Urðarhóll
Bókasafn Kópavogs bauð elstu börnunum á Marbakka og Urðarhóli í útisögustund á Borgarholtinu fyrir utan bókasafnið og Kópavogskirkju.
Í holtinu býr mikill fjöldi álfa í steinum og klettum og fengu börnin að fræðast um álfana og heyra íslenskar þjóðsögur í þeirra heimabyggð.
Í kjölfarið bjuggu börnin á Marbakka og Urðarhóli til sinn eigin álf úr efnivið að eigin vali. Þessi dásamlegu álfar eru afraksturinn af þeirri vinnu.
🌟 Ljóð úr ljóðasamkeppni grunnskóla Kópavogs 2025
Ljóðasamkeppni grunnskóla Kópavogs er haldin í tengslum við Ljóðstaf Jóns úr Vör, árlegra ljóðasamkeppni Lista- og menningarráðs Kópavogs. Markmiðið með keppninni er að efla áhuga barna og ungmenna á ljóðagerð og er grunnskólunum sérstaklega boðið að taka þátt á hverju ári.
Lindasafn
🌟 Lita verur á Lindasafni
Á sýningunni Lita verur má sjá verk eftir nemendur í 3. – 7. bekk Lindaskóla. Nemendur lærðu um litafræði, heita og kalda liti, og í kjölfarið sköpuðu þau klippimynda verur úr litríkum pappír. Nemendur tengdu verurnar við eigin áhugasvið t.d. úr bókmenntum, bíómyndum eða úr ímyndunarafli sínu. Verkin eru fjölbreytt, litrík og skemmtileg þar sem meðal annars gefur að líta álfa, tröll og geimverur.
Náttúrufræðistofa Kópavogs
🌟 Lífið neðansjávar
Listaverk eftir börn í 2. Bekk úr skólum Kópavogs
