Krakkarnir kanna bókasafnið, lesa bækur, tala um bækur, leggja drög að sínum eigin bókum, kynnast því hvernig bækur verða til og spjalla við höfunda uppáhalds bókanna sinna. Flottir rithöfundar heimsækja hópinn og farið verður í vettvangsferðir í bókaforlög og á LindasafnI.
Námskeiðið hentar öllum krökkum sem hafa gaman af því að segja sögur. Að námskeiði loknu hafa krakkarnir fengið innsýn inn í störf rithöfunda og hafa prófað að skrifa sögur eftir ýmsum aðferðum. Krakkarnir æfa sig að vinna bæði saman og sjálfstætt og þjálfa sig í að taka gagnrýni og veita hana. Ekki síður er mikilvægt tækifærið til að lesa bækur, skiptast á skoðunum um þær og læra að umbreyta lestri í sköpunarkraft.
Námskeiðið fer fram á aðalsafni dagana 15. – 19. ágúst og stendur frá kl. 13:00 – 16:00 alla dagana.
Námskeiðsgjald er kr. 10.000. Systkinaafsláttur er 20% við skráningu barns nr. 2 og 10% á hvert barn eftir það. Öll börn fá viðurkenningarskjal að námskeiði loknu. Hámarksfjöldi á námskeiðið eru 15 börn.
Börn sem eru með lögheimili utan Kópavogs þarf að skrá með því að senda tölvupóst á gretabjorg@kopavogur.is
Nánari upplýsingar veitir Gréta Björg Ólafsdóttir, deildarstjóri barnastarfs, í síma 441 6800 eða í tölvupósti á gretabjorg@kopavogur.is.
