Sögustund í Gerðarsafni í tengslum við sýninguna „Sjórinn er fullur af góðum verum. Sjórinn er fullur af rusli!“ en sýningin byggir á sagnaheimi Astrid Lindgren auk verka H. C. Andersen og Tove Jansson.
Bergrún Íris Sævarsdóttir rithöfundur segir frá Astrid Lindgren og krakkar úr Stóru upplestrarkeppninni í Kópavogi lesa brot úr Bróður mínum ljónshjarta.
Lesarar eru Guðrún Inga Jónsdóttir, Jóhann Einar Árnason, Kristjana Þórðardóttir, Sóley Hjaltadóttir og Sóley Aðalbjörg Rögnvaldsdóttir, allt þátttakendur úr Stóru upplestrarkeppninni.
Sýningin „Sjórinn er fullur af góðum verum. Sjórinn er fullur af rusli“ er hluti af verkefninu Vatnsdropinn sem er samstarfsverkefni Kópavogsbæjar og Múmínálfasafnsins í Finnlandi, H.C. Andersen safnsins í Danmörku og Ilon‘s Wonderland í Eistlandi.
Sýningin í Gerðarsafni er afrakstur ungra sýningarstjóra í Kópavogi en þær Fjóla Kristín Sveinbjörnsdóttir, Freyja Lóa Sigríðardóttir, Íva Jovisic, Lóa Arias og Vigdís Una Tómasdóttir unnu með öðrum ungum sýningarstjórum á Norðurlöndum að uppsetningunni.
Sýningin stendur yfir til 31. október nk
