CURRO RODRÍGUEZ & FLAARYR koma fram í Kópavogskirkju
Listamennirnir Curro Rodríguez og Flaaryr (Diego Manatrizio) eru búsettir í Reykjavík og hafa fundið tengingar í ólíkum listrænum aðferðum og bakgrunni.
Flaaryr, fæddur í Argentínu árið 1993, er tilraunakenndur tónlistarmaður sem leitar stöðugt að nýjum hljóðum og uppsprettum. Hann leikur á hluti sem ekki eru venjulega taldir vera hljóðfæri.
Curro, fæddur á Spáni árið 1980, er sjónlistamaður sem vinnur með náttúru og samband við manneskjuna, og notast við forna flamencótónlist til að tengja þessa hugmyndir saman.
Hér nýta þeir steina og raddir til að byggja upp magnaðan hljóðagjörning í Kópavogskirkju.
