Símon Jón verður með erindi á konukvöldi um draumaráðningar en hann er m.a höfundur bókanna Draumaráðningar A-Ö, Nýja draumaráðningabókin og Stóra draumráðningabókin.
Frítt er á viðburðinn og öll velkomin meðan húsrúm leyfir.
Símon Jón Jóhannsson er fæddur á Akureyri árið 1957. Hann með BA-próf í íslensku og bókmenntafræði, Cand.mag. próf í menningarsagnfræði, MA-próf í þjóðfræði auk kennsluréttindaprófs í uppeldis og kennslufræðum.
Símon Jón hefur um árabil starfað sem framhaldsskólakennari í Flensborg í Hafnarfirði og samhliða því fengist við ritstörf. Hann hefur skrifað og tekið saman um þrjátíu bækur, einkum um þjóðfræðileg, sagnfræðileg og bókmenntaleg efni.
