Hólmfríður Hafliðadóttir les úr glænýrri barnabók sinni Eva og amma landvörður í sögustund á Bókasafni Kópavogs.
Aðgangur er ókeypis og öll hjartanlega velkomin.
Eva er alveg að verða fimm ára og er í heimsókn hjá ömmu sinni upp á hálendi. Amma Evu er nefnilega landvörður, og Eva gistir hjá henni í litlum skála. Það er skrýtið að vera langt frá mömmu og pabba, og á stað þar sem eru engin börn, nema þau örfáu sem fylgja einhverjum gönguhópnum sem á leið fram hjá skálanum hennar ömmu. En Eva er hugrökk og skapandi og hún og Bangsi (bangsinn hennar) finna upp á ýmislegu til þess að gera, enda ekki hægt að leiðast þegar maður á svona flotta ömmu sem veit allt og kann allt um landið og náttúruna!
Sagan af Evu og ömmu landverði verður gefin út sem hljóðbók á Spotify.
Viðburðurinn er hluti af viðburðadagskrá Skapandi sumarstarfa í Kópavogi.
