Verið hjartanlega velkomin á afhendingu Gerðarverðlaunanna, laugardaginn 3. febrúar kl. 15 í Gerðarsafni.
Gerðarverðlaunin eru til heiðurs Gerði Helgadóttur myndhöggvara og eru veitt listamanni fyrir ríkulegt framlag til höggmynda- og rýmislistar á Íslandi. Gerðarverðlaunin eru nú veitt í fjórða sinn en fyrri handhafar þeirra eru Rósa Gísladóttir, Þór Vigfússon og Finnbogi Pétursson.
Davíð Þór Jónsson, tónskáld og píanóleikari, fremur tónlist í tilefni dagsins. Léttar veitingar verða í boði.
Gerðarverðlaunin eru veitt með stuðningi frá Lista- og menningarráði Kópavogsbæjar.
