Spunaverk Martje Brandsma markar upphaf sýningarinnar og vegur salt á milli impúlsa og móttöku, þéttleika og fjarlægðar, hörku og elds. Hún færir sjónarhornið frá því að hreyfast á jörðinni að því að láta hreyfast af sólkerfinu: Teygja, snerting, vakning og grip. Þetta ferli miðar að innri kyrrð gegnum ytri hreyfingu.
„Jörðin er dropi af vatni í alheiminum.“ – Rudolf Steiner
,,Við drekkum það. Við lifum og hrærumst á himinhnetti, augliti til auglitis við Venus, Merkúr og Satúrnus. Sjóndeildarhringur okkar er stjörnuflóð: straumar dýrahringsins.“
– Martje Brandsma
Martje Brandsma er hollenskur hrynlistamaður og dansari. Hún lærði danskennslu fyrir ólíkar tegundir af dansi og lauk BA-gráðu í hrynlist í Hollandi og kom fram við Goetheanum-Bühne í Sviss. Frá árinu 2010 hefur hún einbeitt sér að því sem heillar hana mest við listgrein sína: sviðsflutning og kennslu. Hún er sjálfstætt starfandi listamaður og hefur unnið að ýmsum sóló- og hópverkefnum, ásamt því að kenna við Euriþmíu-akademíuna í Hollandi. Árið 2018 var hún meðlimur í Goetheanum-Eurythmie-Ensemble í Sviss en það er einn af fáum þekktum hrynlistar hópum í heimi.
