Sýningin Að rekja brot er full af hrífandi listaverkum sem eru unnin í alls konar efnivið. Hefti, klippimyndir, ljósmyndir og vefnaður er á meðal þess sem listafólkið nýtir sér til að segja sögur af stríði, mismunun, kúgun og ofbeldi. Hér ætlar Örn Alexander Ásmundason myndlistarmaður að leiða krakka og fjölskyldur þeirra um sýninguna, staldra við forvitnileg verk og varpa fram spurningum um hvað við sjáum út úr þeim.
Aðgangur er ókeypis og krakkar í fylgd með fullorðnum hjartanlega velkomin.
