Styrmir Örn Guðmundsson verður með spjall og samtal um verk sín á sýningunni Hlutbundin þrá fimmtudaginn 26. ágúst kl. 18.
Styrmir Örn Guðmundsson (f. 1984) býr og starfar í Berlín. Hann er með BFA gráðu frá Gerrit Rietveld Academy og lauk MA gráðu frá Sandberg Institute í Amsterdam árið 2012. Hann hefur haldið sýningar og flutt gjörninga alþjóðlega, á hátíðum, í söfnum og listarýmum. Árið 2017 hóf hann sýningar á Hvað er ég að gera við líf mitt? sem hefur verið flutt víða um Evrópu, til dæmis í litháíska skálanum á 55. Feneyjatvíæringnum. Styrmir var í árslangri vinnustofudvöl í Künstlerhaus Bethanien frá 2020-21.
Hlutbundin þrá er samsýning átta samtímalistamanna frá Íslandi og Singapúr, sem hverfist um samband mannsins við hlutlægni og hluti. Sýningin er samtíningur af klippimyndum, skúlptúrum, vídeóverkum og innsetningum. Verkin skoða hlutgervingu mynda sem innihalda þrár og langanir, ásamt umboði og áhrifum slíkra mynda sem eru séðar og dreifðar, jafnvel endurgerðar.
Listamenn: Daniel Hui, Dagrún Aðalsteinsdóttir, Guo Liang, Guðlaug Mía Eyþórsdóttir, Luca Lum, Styrmir Örn Guðmundsson, Sæmundur Þór Helgason og Weixin Chong.
Sýningarstjórar eru Dagrún Aðalsteinsdóttir og Weixin Chong.
Mynd: Johanna Maria Dietz, 2021.
