Listamannaspjall | Menning á miðvikudögum

Listamennirnir Guðjón Ketilsson og Una Björg Magnúsdóttir ræða um verk sín á sýningunni Þegar allt kemur til alls, ásamt sýningarstjórunum Brynju Sveinsdóttur og Jónu Hlíf Halldórsdóttur, miðvikudaginn 19. ágúst kl. 12.15.
Þegar allt kemur til alls er samsýning með verkum eftir tólf íslenska samtímalistamenn. Verkin hafa verið sérvalin út frá því hvernig fegurðin í hversdagsleikanum, léttleiki, húmor og leikgleði birtast í þeim. Sýningin er viðbragð við aðstæðum í samfélaginu þessa stundina, hugleiðing um það sem máli skiptir fyrir núið, og innlegg í samtölin sem eiga sér stað þessa dagana um hvað drífur samfélagið áfram og hvað skiptir okkur máli.
Listamenn sem eiga verk á sýningunni eru Anna Hrund Másdóttir, Arna Óttarsdóttir, Gjörningaklúbburinn / Eirún Sigurðardóttir og Jóní Jónsdóttir, Guðjón Ketilsson, Haraldur Jónsson, Hildigunnur Birgisdóttir, Klængur Gunnarsson, Kristín Dóra Ólafsdóttir, Logi Leó Gunnarsson, Ragnheiður Káradóttir, Una Björg Magnúsdóttir og Þór Sigurþórsson. Sýningarstjórar eru Brynja Sveinsdóttir og Jóna Hlíf Halldórsdóttir.
Erindið er liður í dagskránni Menning á miðvikudögum á vegum Menningarhúsanna í Kópavogi sem eru Bókasafn Kópavogs, Gerðarsafn, Náttúrufræðistofa, Héraðsskjalasafn og Salurinn.
Aðgangur er ókeypis og allir velkomnir svo lengi sem húsrúm, fjarlægðarmörk og fjöldatakmarkanir leyfa.