Máfurinn tónlistarsmiðja er fyrir börn á aldrinum 8-12 ára sem hafa áhuga á tónlist og sköpun. Engin fyrri tónlistarmenntun er nauðsynleg.
Þemað í smiðjunni er hreyfing og við veltum fyrir okkur hvernig er hægt að tengja tónlist og hreyfingu saman á skapandi hátt. Við semjum tónverk út frá hreyfingum, förum í spunaleiki og spilum bæði saman og fyrir hvert annað á ýmis hljóðfæri.
Námskeiðið er fjölbreytt, skemmtilegt og hentar vel fyrir frumlega krakka.
Smiðjan fer fram á Bókasafni Kópavogs. Leiðbeinendur eru Ólína Ákadóttir og Marta Ákadóttir.
Dagsetningar: 7. 8. og 9. ágúst (miðvikudag – föstudags) frá 9 -12.
Skráningargjald: 2500 krónur.
Námskeiðið er styrkt af lista- og menningarráði Kópavogsbæjar.
