24.nóv 12:15 - 12:45

Menning á miðvikudögum | Óræð lönd: Samtöl í sameiginlegum víddum

Gerðarsafn

Hádegisleiðsögn með Æsu Sigurjónsdóttur listfræðingi.

Æsa Sigurjónsdóttir listfræðingur verður með leiðsögn um sýningu listamannanna Bryndísar Snæbjörnsdóttur og Mark Wilson, Óræð lönd: Samtöl í sameiginlegum víddum miðvikudaginn 24. nóvember kl. 12.15. 
Samhliða sýningu þeirra Bryndísar og Mark í Gerðarsafni verður sýningin Visitasíur opnuð í Listasafninu á Akureyri. Æsa er sýningarstjóri sýningarinnar Visitasíur þar sem verk Bryndísar og Mark verða til sýnis og er sú sýning hluti af listrannsóknarverkefninu Ísbirnir á villigötum, unnið í samstarfi sérfræðinga á sviði myndlista, þjóðfræði og náttúru- og umhverfisfræði. Æsa býður því upp á áhugavert samtal á milli þessara tveggja sýninga.
Bryndís og Mark staðsetja list sína sem rannsóknar- og samfélagslist og nota gjarnan samspil manna og dýra í verkefnum sínum til að skoða málefni er varða sögu, menningu og umhverfið. Með listrannsóknum sínum kveikja þau hugleiðingar og samtal um hvernig heimurinn er að breytast og hlutverk okkar mannfólksins í þeim breytingum. Listamennirnir nálgast listsköpun sína með vistfræðilegri og heildrænni sýn. Verk þeirra eru þverfagleg í eðli sínu og taka gjarnan form innsetninga með skúlptúrum, fundnum hlutum, vídeóverkum, hljóði, teikningum, ljósmyndum og textum. 
Sýningarstjóri sýningarinnar Óræð lönd: Samtöl í sameiginlegum víddum er Becky Forsythe.

Um Visitasíur:
Bryndís Snæbjörnsdóttir og Mark Wilson | Listasafnið á Akureyri (listak.is)

Mynd: Anton Brink.

Deildu þessum viðburði

ÞÚ GÆTIR HAFT ÁHUGA Á

13
sep
Bókasafn Kópavogs
13
sep
15
sep
Bókasafn Kópavogs
16
sep
Bókasafn Kópavogs
17
sep
Salurinn
11
okt
12
okt
Salurinn
02
nóv
25
apr
Salurinn

Sjá meira

Gerðarsafn

21
sep
Gerðarsafn
15:00

Leiðsögn

27
sep
Gerðarsafn

Sjá meira