Ástbjörg Rut Jónsdóttir sviðslistakona og táknmálstúlkur verður með leiðsögn á táknmáli um sýninguna Ó, hve hljótt. Ástbjörg lauk BA námi í leiklist, Fræði og framkvæmd vorið 2009. Hún er einnig með BA-gráðu í táknmálsfræði og –túlkun. Hún hefur tekið þátt í gjörningaverkum, táknmálstúlkað leiksýningar, leikstýrt og haldið leiklistarnámskeið víða um land.
Sýningin Ó, hve hljótt samanstendur af völdum kvikmyndum, hljóð- og vídeóverkum eftir bæði íslenska og alþjóðlega samtímalistamenn. Táknmálsnotendur eru sérstaklega hvattir til að mæta, en einnig verður boðið upp á leiðsögn á íslensku, fyrir þá sem ekki kunna ekki táknmál.
Leiðsögnin er liður í dagskránni Menning á miðvikudögum á vegum Menningarhúsanna í Kópavogi sem eru Bókasafn Kópavogs, Gerðarsafn, Náttúrufræðistofa, Héraðsskjalasafn og Salurinn.
Aðgangur er ókeypis og allir velkomnir.
Ljósmynd: Móa
