Mósaík teppasmiðja | Fjölskyldustund

Myndlistarkonan Þórdís Erla Zoëga verður með mósaík – teppasmiðju á neðri hæð Gerðarsafns á karnivali í upphafi hausts í öllum Menningarhúsunum í Kópavogi. Þar gefst gestum færi á að læra um aðferðir við mynstur gerð, hvernig maður býr til reglur og notar endurtekningar á sama tíma og sköpunarkrafturinn fær að leika lausum hala. Byrjað verður á æfingum á pappír og pappa kartoni og svo fær hver þátttakandi viðar spjald sem notað verður til að skapa mynstur í sameiginlegu mósaík – teppi sem áætlað er að taki yfir salinn á neðri hæð safnsins. Markmiðið er að hver þátttakandi gerir symmetrískt verk sem gengur út frá aðferðinni ,,eitt leiðir að öðru”.  Mögulegt verður fyrir gesti að sækja spjöldin í lok dags eða í vikunni á eftir.