Heilagir dansar Gurdjieff I Ókeypis námskeið

Ókeypis tveggja daga námskeið í Heilögum dönsum Gurdjieff með kennaranum og listakonunni Sati Katerinu Fitzovu. Gestir geta valið hvort þeir mæti báða dagana eða annan daginn á námskeiðið. Á laugardeginum er það kl. 10:00- 17:00 með hádegishlé frá 13:00-14:00. Sunnudagurinn er frá kl. 10:00-15:00 með hádegishlé frá 12:00-13:00. Skráning á gerdarsafn@kopavogur.is

Sýningarstjóraspjall | Menning á miðvikudögum

Brynja Sveinsdóttir, sýningarstjóri, leiðir gesti um sýninguna Afrit. Á sýningunni Afrit eru verk sjö samtímalistamanna sem ögra hugmyndum okkar um ljósmyndir sem glugga að raunveruleikanum. Sýningin er í senn könnun á óljósu eðli ljósmyndarinnar og leikur með möguleika miðilsins þar sem látið er reyna á þolmörk hans. Sýningin Afrit er hluti af Ljósmyndahátíð Íslands 2020.

Fjölskyldustund | Vídeósmiðja

Listakonan Ásdís Sif Gunnarsdóttir kennir grunnþætti vídeógerðar í tengslum við sýninguna Ó, hve hljótt. Í upphafi smiðjunnar eru nokkur vel valin vídeóverk skoðuð og út frá þeim verða unnin vídeóverkefni sem allir geta spreytt sig á. Einnig verður notast við texta og teikningar og skemmtileg atburðarrás mun eiga sér stað!

Mismunandi sjónarhorn I Menning á miðvikudögum

Jasper Bock, einn af sýningarstjórum Fullt af litlu fólki leiðir gesti um sýninguna, sem stendur nú yfir á Gerðarsafni. Í samtali mun hann hvetja gesti til að fanga mismunandi sjónarhorn sem örvar skynjun gesta og hefur áhrif á upplifun af sýningunni.

Sumarbræðingur| 9. júlí

Fimmtudaginn 9. júlí mun kl. 18:00 mun fjöllistahópurinn Sjarmör Collective bjóða gestum Gerðarsafns að fylgjast með þverfaglegum spuna í samtali við sýninguna Þegar allt kemur til alls.

Listamannaspjall | Afrit

Listamennirnir Anna Júlía Friðbjörnsdóttir, Katrín Elvarsdóttir og Hallgerður Hallgrímsdóttir, ásamt sýningarstjóranum Brynju Sveinsdóttur, leiða gesti um sýninguna Afrit, sunnudaginn 23. febrúar kl.15.