Á aðventuhátíð Kópavogs verður boðið upp á jólakortasmiðju og jólaskrautssmiðju í umsjá listamanna á Gerðarsafni. Jólakortasmiðjan tekur mið af verkum myndlistarkonunnar Gerðar Helgadóttur og hægt verður að gera mynstur kortanna með aðstoð skapalóna og spotta en notast verður við vatnslitamálningu. Anna Story kennir einnig áhugasömum að gera pólskt jólaskraut með nútímalegum snúningi og verður því eitthvað fyrir alla á Gerðarsafni.
Ennfremur verður mikið um tónlist í Gerðarsafni á milli 13:30-15:30.
Karla- og Kvennakór Kópavogs koma fram en einnig munu nemendur Tónlistarskóla Kópavogs flytja gítarleik. Flautukór skólans spilar svo í lokin á brú Gerðarsafns.
Smiðjur og tónleikar eru gestum að kostnaðarlausu og allir eru velkomnir!
Sjá nánari dagskráin Menningarhúsanna í Kópavogi hér.
