10.01.2015 – 22.02.2015
Stúdíó Gerðar Helgadóttur er fræðslu- og upplifunarsýning þar sem sýningargestum býðst að líta á bak við tjöldin og forvitnast um listsköpun Gerðar út frá vinnustofunni. Sett hefur verið upp tilraunavinnustofa sem tekur mið af vinnustofu Gerðar Helgadóttur. Fjölbreytt og skapandi verkefni gefa gestum, ungum sem öldnum, tækifæri til að taka virkan þátt í uppbyggingu sýningarinnar. Með sýningunni leitast Gerðarsafn sérstaklega við að bjóða upp á skemmtilega möguleika í safnfræðslu fyrir börn á forskólaaldri og grunnskólanemendur, skólunum að kostnaðarlausu. Fjölskyldufólk er sérstaklega hvatt til að koma í heimsókn á eigin vegum og njóta skapandi samverustunda.
Guðrún Benónýsdóttir er hugmyndasmiður sýningarinnar í samstarfi við Gerðarsafn og leiddi hún opnar vinnusmiðjur fyrir ólíka aldurshópa á eftirfarandi dögum:
Laugardagur 10. janúar kl. 15 (opnun)
Laugardagur 24. janúar kl. 15
Föstudagur 6. febrúar kl. 20 (Safnanótt)
Laugardagur 21. febrúar kl. 15 (síðasti sýningardagur)
Gerðarsafn tók vel á móti hópum á öllum aldri sem höfðu áhuga á að koma í heimsókn í Stúdíó Gerðar Helgadóttur og bauð uppá leiðsögn.
Gerðarsafn tók vel á móti hópum á öllum aldri sem höfðu áhuga á að koma í heimsókn í Stúdíó Gerðar Helgadóttur og bauð uppá leiðsögn.
