Gerðarsafn mun iða af lífi fimmtudagskvöldið 25. júní, en þá verður Sumarbræðingur Menningarhúsanna í Kópavogi haldinn í annað sinn. Bræðingurinn hefst með jazztónleikum í Salnum kl. 17.00 og verður fylgt eftir með líflegri dagskrá í Gerðarsafni sem verður opið til kl. 21.00 ásamt veitingastaðnum Pure Deli.
Dagskrá í Gerðarsafni fimmtudaginn 25. júní
kl. 18.00 – Frumsýning á nýjum vínýlmottum í safnbúð Gerðarsafns eftir myndlistarmanninn Þórdísi Erlu Zoëga í samstarfi við Stúdíó Flöt.
kl. 19.00 – Tríó Sól flytur ljúfa tóna í samtali við verk Gerðar Helgadóttur
Tilboð í safnbúð Gerðarsafns
Allar vörur í safnbúð Gerðarsafns verða á 10% afslætti fimmtudaginn 25. júní og fylgir frítt árskort í safnið með kaupum yfir 10.000 kr.
Sumarbræðingur Menningarhúsanna
Valda fimmtudaga í sumar verður lengri opnunartími eða til kl. 21.00 í Gerðarsafni og á veitingastaðnum Pure Deli samhliða tónleikaröðinni Sumarjazz sem fer fram í Salnum. Boðið verður upp á leiðsagnir og ýmsar óvæntar uppákomur.
Nánari upplýsingar um Sumarjazz í Salnum má finna hér.
