Pola Sutryk og Maja Demska
Pola Sutryk er listamaður, matreiðslumaður og hönnuður ætra innsetninga og viðburða. Hún umbreytir fagurfræðilegri næmni og hrifningu af náttúrunni sem hún öðlaðist á barnsaldri í skógum austur-Póllands yfir í myndlist og matreiðslu. Sem stendur er hún með aðsetur í Reykjavík og skipuleggur viðburði, vinnustofur og aðra listræna starfsemi en hún álítur mat viðfangsefni, miðil og ástæðu til að koma saman. Í verkum sínum notast hún við gerjun, hefðbundna matreiðslutækni frá öllum heimshornum og villtar ætar plöntur.
Maja Demska er listakona, sýningarstjóri og rithöfundur með bakgrunn í grafískri hönnun. Hún rannsakar þemu á borð við gagnaskrár, upplýsingatækni, samskipti og óhefðbundin hagkerfa – með áherslu á tilfinningaleg og líkamleg tengsl okkar við þessar hugmyndir. Maja er stofnandi Groszowe sprawy (2018-2021) – óhagnaðardrifnu listrými sem starfar í sölubás á matarmarkaði undir berum himni í Varsjá.
Pola og Maja bjóða upp á þátttökusmiðju sem tekur á þemum tengdum samfélagsheild, samveru og samnýtingu í þágu almannaheilla, í von um að skapa þroskandi tengsl með því að undirbúa mat saman. Við munum eingöngu vinna með auðlindir Hamraborgar, nota villtar plöntur sem vaxa á svæðinu, hráefni úr bónus, pólsku búðinni, Videomarkaðurinn, Cibo Amore o.fl. Með matseld og undirbúningi fyrir Hamraborg festival partýið ræktum við náungakærleika í gegnum það að vinna að sameiginlegu markmiði. Okkur langar að kanna hugmyndina um samvinnu með því að vinna með hugmyndina um pör: hugsa um uppáhalds matarpörin okkar, taka þátt í æfingum sem eru gerðar í pörum (tengdar mataráhöldum, mat sem er ætlaður til að deila osfrv.).
Föstudagur 25.08.
16:00-20:00 Hátíðartjaldið á Hálsatorgi: opið spjall, hittumst, tölum og deilum með hvort öðru.
Laugardagur 26.08.
14:00-19:00 Catalina veitingahús: Aðalvinnustofa sýnidæmi fyrir pönktónleikana.
Hægt er að skrá sig hér: polasutryk@gmail.com
