06.apr 13:00

Útlína I Opnunarviðburður

Gerðarsafn

Velkomin á opnunarviðburð.

Velkomin á opnunarviðburð sýningarinnar Útlína með verkum, skissum og rannsóknarefni tíu nútíma- og samtímalistamanna úr safneign Gerðarsafns. Sýningarstjórarnir Brynja Sveinsdóttir og Hrafnhildur Gissurardóttir bjóða gestum í spjall um sýninguna og verður teiknileikur í boði fyrir yngstu gestina, sem listamaðurinn Edda Mac mun leiða.

Opnunarviðburðurinn er gestum að kostnaðarlausu og léttar veitingar í boði.

Útlína er sýning á verkum úr safneign Gerðarsafns frá 1950 til dagsins í dag. Á sýningunni er útlínan notuð til þess að tengja verk þvert á miðla. Línan flæðir á milli teikninga, málverka og prentkverka og útlínan öðlast eigið líf í (þrívíðu) formi skúlptúra og rýmisverka. Útlínan verður allt í senn: þráðurinn á milli verka, afmörkun og endaleysa.

Sýningin er hluti af +Safneigninni, þar sem gestum er gefinn kostur á að líta á bak við tjöldin og kynnast því sem að öllu jöfnu tilheyrir innra starfi safnsins. Unnið verður að rannsóknum á listaverkunum fyrir opnum dyrum og mun gagnagrunnur um verkin vaxa meðan á sýningu stendur. Á sýningunni Útlína má því sjá verk samhliða handteiknuðum leiðbeiningum, ljósmyndum, viðtölum við listamenn og skráningarspjöldum.
 
Listamenn:
Anna Hallin
Barbara Árnason
Gerður Helgadóttir
Hólmfríður Árnadóttir
Hrafnkell Sigurðsson
Hreinn Friðfinnsson
Katrín Sigurðardóttir
Kristján Davíðsson
Rúrí
Theresa Himmer
Valgerður Briem
 
Sýningarstjórar:
Brynja Sveinsdóttir
Hrafnhildur Gissurardóttir
 
Listamaður: Theresa Himmer
In house production I-III, 2017
Mynd: Stefan Oidtmann

Deildu þessum viðburði

ÞÚ GÆTIR HAFT ÁHUGA Á

25
nóv
18
des
Salurinn
29
nóv
30
des
Kópavogur
30
nóv
13
des
Kópavogur
04
des
Kópavogur
04
des
Kópavogur
04
des
Kópavogur
05
des
Bókasafn Kópavogs
05
des
10
des
Bókasafn Kópavogs
05
des
Mekó
20:30

Vatnadýrð

07
des
09
des
Salurinn
20:30

Jól og næs

07
des
Héraðsskjalasafn Kópavogs

Sjá meira

Gerðarsafn

10
des
Gerðarsafn