Hvorki meira né minna en 305 ljóð bárust í ljóðasamkeppnina Ljóðstaf Jóns úr Vör í ár sem er með því mesta sem nokkru sinni hefur borist í samkeppnina. Dómnefnd var því lúxus-vandi á höndum en hefur nú lokið störfum og haft hefur verið samband við þau skáld sem hljóta viðurkenningar. Við þökkum öllum sem sem sendu inn ljóð innilega fyrir þátttökuna og fögnum þeim gífurlega áhuga sem er á samkeppninni.
Úrslitin verða opinberuð við hátíðlega athöfn í Salnum 21. janúar næstkomandi kl. 18:00 sem er fæðingardagur Jóns úr Vör. Öll hjartanlega velkomin!
