Verið velkomin á erindi og gjörning við útilistaverkið Hljóðheimur Fossvogs, laugardaginn 8. júní kl. 15:00 í Fossvogsdalnum, rétt hjá Víkingsheimilinu (GPS hnit: 64.116057, -21.857192).
Aðgangur er ókeypis og öll eru hjartanlega velkomin að koma!
Verkið er tímabundið útilistaverk sem virkjar samtal milli listar og náttúru og er afurð evrópsks samstarfsverkefnis sem Gerðarsafn og Náttúrufræðistofa Kópavogs eru aðilar að.
Opnunarerindi
Brynja Sveinsdóttir, forstöðumaður Gerðarsafns og Náttúrufræðistofu Kópavogs
Hugleiðing um rekavið I Erindi um sjálfbærni
Dr. Ólafur Eggertsson, fornvistfræðingur og sérfræðingur hjá Skógræktinni
Hljóðheimur | Dansgjörningur
Linde Hanne Rongen, danshöfundur og dansari, ásamt Gabriel Marling Rideout og Rebekka Sól Þórarinsdóttir dönsurum
Höfundaverksins eru:
Michal Machciník myndhöggvari (Slóvakía)
Matyáš Barák, hönnuður (Tékkland)
Linde Hanna Rongen, dansari (Ísland/Holland)
Chiara Lusso, mannfræðingur (Ítalía)
Verkið Hljóðheimur Fossvogs birtir hljóðheim Fossvogsdals með rekavið sem var safnað á ströndum Hrútafjarðar og Djúpavíkur. Með því að nota rekavið er leitast við að blása nýju lífi í efni sem er til staðar án þess að hafa skýran tilgang.
RE-USE er evrópskt samstarfsverkefni sem snýr að tengslum myndlistar og náttúru. Löndin sem eru samstarfsaðilar verkefnisins eru Ísland, Ítalía, Slóvakía og Tékkland. Tilgangur verkefnisins er fyrst og fremst að kanna mörkin á milli myndlistar og náttúru með tímabundnum útilistaverkum. Haldið var opið kall þar sem listamönnum, náttúrufræðingum, mannfræðingum, sýningarstjórum og fræðimönnum var boðin þátttaka og í kjölfarið var haldin stór ráðstefna í Prag þar sem samkeppni fór fram og valdar voru þrjár tillögur sem settar eru upp í Kópavogi, Feneyjum og Usti nad Orlici í Tékklandi.
