Barnamenningarhátíð í Kópavogi!
Dagskrá í Gerðarsafni:
12:00 -14:00 – Kórónusmiðja með Sigrúnu Úu.
Dúskar, fjaðrir, slaufur og strá! Sköpum fallegar kórónur saman í skemmtilegri smiðju með Sigrúnu Úu. Smiðjan hentar öllum aldri og öll eru velkomin! Efniviður á staðnum.
15:00 – 17:00 – Heimur fyrir litla hetju.
Dýrfinna Benita Basalan og Sadie Cook verða með listsmiðju í Gerðarsafni á Barnamenningarhátíð í Kópavogi. Hvert barn fær lítinn pappakassa og býr til lítið hús, eða felustað fyrir ímyndaða útgáfu af sjálfu sér — hvort sem það er ofurhetja, riddari, dýr eða eitthvað allt annað! Markmiðið er að örva sköpunargleði og sjálfstjáningu, þar sem börnin fá tækifæri til að dreyma stórt og byggja sinn eigin töfraheim. Smiðjan hentar vel fyrir börn frá 4 ára aldri.
Aðgangur er ókeypis á alla viðburði á Barnamenningarhátíð í Kópavogi og ókeypis inn á sýningar Gerðarsafns.
DJ Sunna Ben þeytir skífum frá kl. 14:00 og heldur uppi stuðinu í Gerðarsafni.
Verið öll hjartanlega velkomin!
