Litskrúðug Karnivalstemning ríkir í Kópavogi laugardaginn 3. september og mikið um dýrðir. Ókeypis er á alla viðburði og sýningar í tilefni dagsins og útgáfu glænýs og sjóðheits menningartímarits MEKÓ fagnað.
Fordyri Salarins | 13 – 15
Fram koma listamannateymið Sirkus Ananas, sönghópurinn Tónafljóð og töframaðurinn Einar Aron með sjónhverfingar, jafnvægislistir, loftfimleika og fjörug lög.
Náttúrufræðistofa Kópavogs | 13 – 15
Frauðtertuskreytingarnámskeið!
Hér fær alþýðan annað tækifæri til að spreyta sig í frauðtertuskreytingum með frauðtertugerðarteyminu Gorklín.
Mætið og skreytið með okkur. Frauðterturnar bíða.
Bókasafn Kópavogs | 13 – 15
Stenslagerð í Múmíndal með Önju Ísabellu Lövenholdt. Í smiðjunni er boðið upp á ólíkan efnivið, allt frá blómum til tímarita og þátttakendum gefst kostur á að skapa ævintýraheima. Einnig verður hægt að nota stensla af múmínkarakterum til að teikna eftir og líma inn á ævintýramyndirnar. Opið verður í einn og hálfan tíma og fólki frjálst að koma og fara.
Gerðarsafn | 13 – 14
Katrín Gunnarsdóttir og Eva Signý Berger leiða danssmiðju fyrir börn á grunnskólaaldri og fjölskyldur þeirra. Litskrúðugir efnisstrangar ummyndast í furðuverur, minnsta hreyfing bærir efnið og myndar hrífandi sjónhverfingar. Skráning í smiðju á gerdarsafn@gerdarsafn.is
Gerðarsafn | 14 – 16
Listamannateymið Improv for Dance Enthusiasts með leikandi léttan dansspuna og dansæfingar fyrir alla aldurshópa og alla líkama inni í sýningum í Gerðarsafni. Stuttar og skemmtilegar æfingar í því skyni að skynja rými listasafnsins á nýjan leik.
Gerðarsafn | 13 – 16
SWAP vill bjóða þér að koma með listræna muni á borðið og skipta þeim út fyrir aðra hlut sem þú vilt eða vantar. Listrænir munir geta verið bækur, ljóð, ljósmyndir, prent, málverk, skúlptúrar, útsaumur, o.fl. Ef þú hefur ekki tök á því að koma með hlut þá er í boði að skipta með því að velja gjörð sem hjálpleg fyrir plánetuna, þig eða samfélagið.
Heilsum saman hausti á Karnivali í Kópavogi.
Lista- og menningarráð Kópavogsbæjar styrkir Karnival í Kópavogi.
–
