Safnbúð Gerðarsafns slær upp veislu í aðdraganda jóla með nýjum vörum á sérstöku jólaverði í tilefni kvöldsins, fimmtudaginn 27. nóvember 2025 milli 18:00-20:00. Frítt inn á sýningar safnsins í tilefni kvöldsins.
Við kynnum ný eftirprent til sölu með verkum eftir Barböru Árnason og fallegt dagatal fyrir 2026 prýtt teikningum eftir Gerði Helgadóttur úr safneigninni. Allar vörur Gerðarsafns verða með 20% afslætti þetta kvöld!
Svo er það mikill heiður að kynna til leiks nýtt skartgripa merki til sölu í safnbúðinni, ELEMENT eftir listakonuna Elínu Hansdóttur og verður Elín á staðnum til að kynna vörurnar.
Einnig munu mörg þeirra frábæru hönnuða sem eru núþegar í samstarfi við okkur bæta við vörum í safnbúðina og sum hver vera á staðnum um kvöldið til að fagna með okkur. Þetta er tilvalin stund til að kaupa jólagjafir og við munum bjóða upp á fallega gjafapökkun.
Boðið verður upp á léttar veitingar og DJ Sigrún Skafta mun halda uppi góðri stemmingu. Öll kærlega velkomin!
