Öll fjölskyldan er boðin hjartanlega velkomin í Bókasafn Kópavogs laugardaginn 14. mars kl. 14-16 á skemmtilega dagskrá sem tengist bókum og bóklestri. Aðgangur er ókeypis og öllum opinn.
Viðburðurinn er opnunarhátíð Bókavogs sem er lestrarátak sem fram fer í Kópavogi vikuna 14. -20. mars. Fram koma Gunnar Helgason rithöfundur, Þórunn Arna leikkona opnar fjársjóðskistu Astridar Lindgren og í Svakalegu sögusmiðjunni lærum við að búa til sögupersónur og söguþráð.
Dagskrá:
Kl. 14:00-14:25 Gunnar Helgason rithöfundur les upp úr nokkrum af uppáhalds bókunum sínum og gefur áheyrendum nasaþefinn af næstu bók sem hann er með í smíðum!
Kl. 14:25 Ásdís Kristjánsdóttir bæjarstjóri setur Bókavog formlega.
Kl. 14:30-16:00 Svakalega sögusmiðjan – Blær Guðmundsdóttir og Eva Rún Þorgeirsdóttir
Kl. 15:00-15:45 Fjársjóðskista Astridar Lindgren: Þórunn Arna Kristjánsdótir leikkona leikles sumar af þekktustu sögum Astridar Lindgren.
