Steinunn Sigurðardóttir verður gestur í bókmenntaklúbbnum Hananú miðvikudaginn 14. febrúar kl. 16:00.
Steinunn hlaut á dögunum Íslensku bókmenntaverðlaunin fyrir skáldsöguna Ból og varð þar með fyrst íslenskra kvenna til að hljóta Íslensku bókmenntaverðlaunin tvisvar í flokki skáldverka en áður hlaut hún þau fyrir Hjartastað árið 1995.
Ból hefur fengið frábærar viðtökur lesenda og glimrandi dóma.
Við hlökkum til að taka á móti Steinunni á Bókasafni Kópavogs. Öll velkomin.
Bókmenntaklúbburinn Hananú! hittist í Huldustofu á 3. hæð aðalsafns.
Annan hvern miðvikudag hittist á bókasafninu fremur siðprúður hópur fólks og ræðir hinar fögru orðlistir. Komið bara og gangið í bæinn, tölum um bækur – og Hananú!
Fylgist með í Facebook-hópnum Bókmenntaklúbburinn Hananú | Bókasafn Kópavogs.
