Draugasögustund fyrir fullorðna með Hönnuh Rós Sigurðardóttur Tobin, á löngum fimmtudegi 31. október á Hrekkjavökunni.
Hefur þú séð draug? Hefur þú upplifað eitthvað undarlegt? Viltu deila þinni sögu með öðrum? Komdu á draugasögustund á Bókasafninu og skiptumst á æsispennandi draugasögum. Hannah mun leiða sögustundina og byrja á að segja gestum nokkrar skemmtilegar draugasögur úr ýmsum áttum og síðan mun hún bjóða þeim sem vilja að deila draugasögu sem þau hafa heyrt eða upplifað á eigin skinni. Hvort sem þig langar til að hrylla þig yfir draugasögum annarra eða að deila þinni eigin ertu hrikalega velkomin í þessa óhugnanlegu kvöldstund.
Hannah er með meistaragráðu í sálfræðirannsóknum, en þar að auki stundaði hún nám í frásagnarlist í Amsterdam. Hannah notar sálfræðimenntun sína í bland við frásagnarlistina til að kafa ofan í mannlegt eðli í sögunum sem hún flytur.
