Málverkið hefur alltaf verið Sigrúnu Guðmundsdóttur hugleikið og er hún sífellt að kanna litafleti og litasamsetningar sem njóta sín einna helst í málverkum. Þessi sería, sem hún sýnir í listasal Sólheima í samstarfi við Siggu Guðjónsdóttur, hefur verið unnin síðastliðin tvö ár en sumar myndir eru málaðar með þessa sýningu í huga. Hugmyndin er abstrakt; leyfir áhorfandanum að nota sitt hugmyndaflug til að skapa sinn heim eins og Sigrún gerði í sýningunni Litróf Hafsins í Gallerí Laugalæk vorið 2022.
Sigrún Guðmundsdóttir (f. 1985) útskrifaðist með BA-gráðu frá myndlistarbraut Listaháskóla Íslands 2010. Frá útskrift hefur hún tekið þátt í fjölda samsýninga og einkasýninga, hérlendis og erlendis.
Um gjörninginn Fíngert vatnslitaverk í bílakjallara:
Að fanga ljósið
Í pollinum
Í bílakjallaranum
Í Hamraborginni
Hvar er fegurðin
Hvar er ljósið
Vatnslitaslettur
Lekur listin
Kveikja
Ljósið
Í drullupollinum.
