„Þegar Dieter heimsótti Hörð og sýndi honum verk sín áttaði Hörður sig strax á því að verið væri að flytja inn allra nýjustu hugmyndir í grafískri hönnun og myndlist.“
Verið velkomin á fyrirlestur Studio Studio (Arnar Freyr Guðmundsson og Birna Geirfinnsdóttir) um samstarf og áhrif Dieter Roth og Harðar Ágústssonar þann 18. mars klukkan 18:00. Þau eru sýningarstjórar sýningarinnar Hörður ásamt Brynju Sveinsdóttur.
Á sýningunni eru verk Harðar sem birta nálgun hans á form- og litafræði á árunum 1955-1978. Í formrænni könnun hans má finna það svið þar sem arkitektinn og ljóðskáldið tvinnast hvað mest saman, þar sem rannsakandinn og skaparinn ná saman í heildrænni hugsun um kjarna allrar listar.
Arnar útskrifaðist úr Listaháskóla Íslands. Hann hefur síðan starfað á ýmsum sviðum bæði erlendis og á Íslandi, auk þess er hann stundakennari við Listaháskóla Íslands og Ljósmyndaskólann.
Birna útskrifaðist úr Listaháskóla Íslands og er með meistaragráðu í bókahönnun frá Háskólanum í Reading. Hún starfar nú sem prófessor í grafískri hönnun við Listaháskóla Íslands.
