Einkasýning Jeremy Deller opnar í Gerðarsafni í maí 2026.
Jeremy Deller (f. 1966, London) er einn þekktasti samtímalistamaður Bretlands. Hann hlaut hin virtu Turner-verðlaun árið 2004 og var fulltrúi Bretlands á Feneyjatvíæringnum árið 2013. Verk hans hafa verið sýnd víða um heim, meðal annars í Buenos Aires, Hong Kong, Mexíkóborg, New York, Kaupmannahöfn, Singapúr og Tókýó.
Sýningin í Gerðasafni samanstendur af vídeóverki og innsetningu prentverka frá árinu 1993 til dagsins í dag. Mörg prentverkanna eru unnin í samvinnu við grafíska hönnuðinn Fraser Muggeridge.
Sýningarstjórar eru Arnar Freyr Guðmundsson og Birna Geirfinnsdóttir.
Mynd: Jeremy Deller, Triumph of Art, 2025
