Vegna veðurs féll þessi viðburður niður en verður síðar þegar veður leyfir.
Ungt vegglistafólk á vegum Molans ungmennahúss umbreytir gömlu skiptistöðvargöngunum í Hamraborginni* í lifandi útigallerí. Gestum viðburðarins gefst tækifæri á að upplifa listamennina að störfum, spjalla við þá og fylgjast með verkum þeirra þróast yfir kvöldið.
Listafólkið sem kemur fram hefur allt tekið þátt í verkefnum og verið virkir í starfsemi Molans ungmennahúss undafarin ár. Þessi sögufrægu göng, sem voru vettvangur pönkara og jaðarhópa á sínum tíma, hafa skapað sér sögu innan graffiti og vegglistarmenningar á höfuðborgarsvæðinu undanfarin ár og haldið áfram að þjóna ungu fólki sem vettvangur fyrir tjáningu og listsköpun.
Listafólkið verður að störfum frá kl. 18 til kl. 22 og eftir það verður sýningin opin allan sólarhringinn. Hún mun svo umbreytast í tímans rás með nýrri list og nýju listafólki.
*Skiptistöðvargöngin liggja á milli Gjábakka við Fannborg 8 og Héraðsskjalasafnsins í Kópavogi við Digranesveg 7.
Young mural artists under the auspices of Molinn Youth Center transform the old exchange tunnel in Hamraborg into a living outdoor gallery. The guests of the event are given the opportunity to experience the artists at work, chat with them and watch their work develop throughout the evening. It will be interesting to see this remarkable cultural place turn into an open gallery and illuminate the midwinter darkness. The tunnel will subsequently be a fun opportunity for art lovers.
