Grímur Smári Hallgrímsson og Katla Yamagata
Leikhópurinn Hlæja og gráta vinnur í sumar að leiksýningu um vini. Í einföldu máli kennir verkið áhorfendum að eiga vin. Þau munu leitast við að svara spurningum sem brenna á þeim, eins og t.d. “viltu gera eitthvað?” eða “nennirðu að hætta?”. Leikhópurinn vill upphefja hið hversdagslega með húmor í fyrirrúmi. Í samræmi við nafn hópsins þá hafa sýningar þeirra oft verið kenndar við tilfinningarússíbana, áhorfendur eru gjarnir á að hlæja OG gráta á sýningum leikhópsins. Á grátbroslegu ferðalagi í gegnum frumskóg tilfinninganna gætu áhorfendur komist að einhverju nýju um vini sína eða eitthvað rifjast upp fyrir þeim sem þau vissu nú þegar. Sjáðu hann vin þinn. Manstu hvað þér þykir vænt um hann?
