,,Hvað er?“ er erindaröð á vegum Náttúrusafns Kópavogs. Sérfræðingar úr ýmsum áttum eru fengnir til að varpa ljósi á ólík hugtök og fyrirbæri og skýra þau út á mannamáli.
Þennan miðvikudag dembum við okkur í hafið og fræðumst um fiska og hvernig hafstraumar móta umhverfi þeirra og lífsferla.
Fiskar á Íslandsmiðum eru fjölbreyttir og eiga sér ólíkar lífssögur, allt frá stofnum sem halda sig við landið allt árið til flökkustofna sem ferðast langar leiðir hingað í ætisleit. Í erindinu verður fjallað um helstu fiskistofna við Ísland, hvar þeir halda sig, hvert þeir ferðast og hvar þeir hrygna. Jafnframt verður skoðað hvernig hlýir og kaldir hafstraumar umhverfis landið móta aðstæður á Íslandsmiðum og hafa áhrif á útbreiðslu og göngur fiskanna.
Lísa Anne Libungan er sjávarlíffræðingur með doktorspróf í fiskifræði frá Háskóla Íslands og hefur víðtæka reynslu af hafrannsóknum, stofnmati fiskistofna og kennslu. Hún starfar sem fiskifræðingur hjá Samtökum fyrirtækja í sjávarútvegi og er formaður Hins íslenska náttúrufræðifélags.
Aðgangur er ókeypis.
Öll velkomin.
Viðburðurinn er hluti af Menningu á miðvikudögum og er styrktur af Menningar- og mannlífsnefnd Kópavogsbæjar.
English:
This Wednesday, we dive into the ocean to learn about fish and how ocean currents shape their habitats and life cycles.
Fish stocks in Icelandic waters are diverse and have very different life histories, ranging from populations that remain close to Iceland year-round to migratory stocks that travel long distances to Icelandic waters in search of food. The lecture will explore the main fish stocks found around Iceland, where they are located, where they migrate, and where they spawn. It will also examine how the warm and cold ocean currents surrounding Iceland shape conditions in Icelandic waters and influence the distribution and migration patterns of fish.
Lísa Anne Libungan is a marine biologist with a PhD in fisheries science from the University of Iceland and has extensive experience in marine research, fish stock assessment, and teaching. She works as a fisheries scientist for the Federation of Icelandic Fishing Vessel Owners and is Chair of the Icelandic Natural History Society.
Admission is free.
Everyone is welcome.
