Söngkonan og lagahöfundurinn Lay Low kemur fram á hádegistónleikum í Salnum í Kópavogi miðvikudaginn 28. október. Þar flytur hún vel valin lög frá sínum fjölbreytta ferli.
Lay Low hefur skipað sér sess meðal áhugaverðustu tónlistarmanna landsins með sínum persónulega hljómi þar sem blús, þjóðlagatónlist og kántrí mætast.
Að undanförnu hefur hún unnið markvisst að því að sækja innblástur í samtöl við fólk úr ólíkum áttum og kanna hvernig tónlist getur skapað tengingu og sameiginlega upplifun.
Tónleikarnir eru hluti af viðburðaröðinni Menning á miðvikudögum. Aðgangur er ókeypis og öll velkomin.
