Í smiðjunni verður fjallað um manga og anime og mismunandi flokkar, gerðir og teiknistílar skoðaðir. Þátttakendum gefst tækifæri til að læra nokkrar setningar á japönsku og að skrifa nafnið sitt með katakana! Þátttakendur eru hvattir til að koma með spurningar um Japan og taka uppáhalds Japanstengda hlutinn sinn til að sýna hvert öðru. Öll 13 ára og eldri velkomin!
Helga Ragnarsdóttir er með BA gráðu í japönsku og japanskri menningu frá Háskóla Ísland og bjó síðasta árið af náminu í Osaka í Japan. Hún hefur lesið manga og horft á anime frá því hún var um 12 ára gömul, ásamt því að hafa mikinn áhuga á japönsku sjónvarpi, JRPG tölvuleikjum og japanskri menningu. Í dag starfar hún í Hljóðfærahúsinu og sem tónlistarkona og leikari.
