Kennarinn og listakonan Sati Katerina Fitzova kynnir heilaga dansa Gurdjieff. Dansarnir byggjast á mörg þúsund hreyfingum sem grísk-armeníski heimspekingurinn George Ivanovich Gurdjieff safnaði saman á ferli sínum og byggjast á hefðbundnum dönsum ýmissa trúarbragða. Sati segir frá ótrúlegu lífshlaupi Gurdjieff ásam því að kenna hreyfingarnar sem eiga að stuðla að sjálfsskoðun og aðstoða við sjálfsnám.
Sati Katerina Fitzova hefur kennt dansa Gurdjieff frá árinu 2006 um alla Evrópu, Englandi og í Kosta Ríka. Sati er fædd í Tékklandi hefur lagt stund á ýmis listform frá unga aldri á borð við gjörningarlist, skrif, tónlist og dans. Hún er einnig menntuð í leiklistarmeðferð, kennslu og heilun og hefur sérhæft sig í því að kanna tengsl milli andlegrar málefna og listar. Í kenningum og aðferðarfræði Gurdjieff fann hún leiðir til að tengja saman aðferðir núvitundar, dans og Huglægrar listar.
Aðgangur er ókeypis og allir velkomnir.
Leiðsögnin er liður í dagskránni Menning á miðvikudögum á vegum Menningarhúsanna í Kópavogi sem eru Bókasafn Kópavogs, Gerðarsafn, Náttúrufræðistofa, Héraðsskjalasafn og Salurinn.
