Í smiðjunni fá börn tækifæri til að læra og hlusta á lög við ljóð eftir börn. Einnig fá börn tækifæri til að semja eigin ljóð um náttúruna, umhverfið, loftslagið, framtíðarsýn og drauma. Þau börn sem vilja, geta sett nýju ljóðin sín beint inn á veraldarvefinn á heimasíðuna ljodfyrirloftslagid.is þegar þau eru tilbúin.
Kennarar smiðjunnar eru söngkonurnar Bryndís Guðjónsdóttir og Vera Hjördís Matsdóttir.
Smiðjan er liður í Óperudögum og hluti af viðburðaröðinni Fjölskyldustundir á laugardögum sem styrkt er af lista- og menningarráði Kópavogsbæjar.
